Қасиетті Қадір кешінде Шымкент орталық мешітінде «Ислам және ізгі қоғам» жылы аясында қасиетті Рамазан айының құрметіне  «Бабалар рухына 100 Құран Хатым дұғасы» атты бабалар Құран оқып, рухына дұға ету шарасы өтті.

Басқосуға шаһар бас имам орынбасары Мұхамеджан Естеміров, қалалық «Әйел-қыздар» секторының жетекшісі Балжан Досжан, қалалық «Әдеп» кеңесінің мүшесмі Дәуренбек қажы Тасқараев,  ұстаз Бекжігіт Аманов т.б. қатысты.

Игі шараны Шымкент қаласының бас имамы Бақдаулет қажы Нұрматұлының атынан шаһар бас имам орынбасары Мұхамеджан Естеміров қатысып, хатым оқу шаранасына қатысқан баршаға алғысын білдірді.

Айт кетсек, қалалық «Әйел-қыздар» секторы мен «Әжелер» мектебінің 300-ден астам мүшелері осы қасиетті Рамазан айында 145 рет Құранды толық оқып шықты.

Айтулы шара соңында бабалар рухына Құран Хатым бағашталды.

ҚМДБ-ның Шымкент қаласы бойынша баспасөз қызметі