Бүгін ҚМДБ Төрағасы, Бас мүфти Наурызбай қажы Тағанұлының бастамасымен «Рамазанда мешітке кітап сыйла» акциясы аясында «Muftyat» баспасынан жарық көрген кітаптарды насихаттау, таныстыру, үлестіру шарасы Шымкент қаласы орталық мешітінде өткізілді.
Тұңғыш қолға алынған рухани бағыттағы шараға Шымкент қаласының бас имамы Бақдаулет Абдрахманов, шаһар бас имам орынбасары Мұхамеджан Естеміров, «Халал Даму» бөлімінің бауылаушы маманы Қазыбек Сарыбаев және Жастар ісі секторы мен аудандық мешіттің имамдары қатысты.
«Шаһардағы 91 мешіт жанынан ашылған «Ихсан ілімі» имандылық кітапхана бұрышына «Muftyat» баспасынан жарық көрген «Ихсан – рухани тәрбие негізі», «Толық адам», «Әке мектебі», «Ислам әдептерінің энциклопедиясы», «Мазһабтар тарихы», «Жәннатпен сүйіншілеген он сахаба», «Иман негіздері», «Рамазанға қатысты 200 сұрақ», «Ғибадат Тұтқасы Мұхтасар әл-Құдури», «Шариат в таблицах» сынды 22 әртүрлі құнды кітаптармен толықты», – деді салаға жауапты М.Естеміров.
Айта кетсек, бүгінгі таңда ҚМДБ жанынан «Muftyat» баспасы арқылы аз уақыт ішінде дін мен дәстүр, тарих, сенім негіздері тағы басқа 50-ден астам әртүрлі тақырыптарға арқау еткен кітаптар жарық көрді.

ҚМДБ-ның Шымкент қаласы бойынша баспасөз қызметі