Қасиетті рамазан айының екінші 10 күндігіне, Шымкент қаласына қарасты барлық мешіттерде «Тазалық — иманның жартысы» атты тазалық шарасы ұйымдастырылды.
Бақара сүресінің 222-аятында: «Сөзсіз Алла тәубе еткендер мен тазалағандарды жақсы көреді», – деп, тазалықты мадақтайды. Пайғамбарымыз (с.а.с) адамдар жүретiн жолдың үстiне, тынығатын көлеңкелерде, әсiресе жемiстi ағаштардың түбiнде дәрет сындыруға болмайтындығы жөнiнде сахабаларға: «Екi түрлi қарғыс арқалаудан сақ болыңдар!» дегенде, олар: «Әй, Алланың елшiсi! Екi қарғысты арқалаушы дегенiңiз кiм?» – деп сұрайды. Ол: «Адамдар жүретiн жолға немесе тынығатын көлеңкеге дәрет сындырушы» деген. (Мүслим риуаяты).
Айтулы шараға мешіт діни қызметкерлері, Жастар, Халал, Зекет қорының өкілдері, мешіт қауымы қатысты.
Тазалық акциясы аясында мешіттің намаз оқу залы, қабылдау бөлмелері, мешіттің іші мен сырты, дәретханасының тазалығына аса қатты мән берілді.
Тазалық шарасы аясында қалаға қарасты барлық мешітте ұйымдастырылып, алдағы уақыттарда да жалғасын таппақ.
Шымкент қаласы орталық мешітінің баспасөз қызметі
