ҚМДБ-ның Шымкент қаласы бойынша өкілдігіне қарасты мешіттерде қасиетті Рамазан айының алғашқы он күндігінде «Рамазан шатыры» атты ауызашар дастарханы жоғары деңгейде ұйымдастырылып, өткізіліп келеді. Игі шара ҚМДБ-ның Шымкент қаласының бас имамы Бақдәулет қажы Абдрахмановтың қолдауымен қолға алынды. Шаһардың бас мешіті бастаған 46-тан астам мешітте ауызашар беру үшін «Рамазан шатыры» арнайы орындары мен халал асханалар әзірленді. Ауызашар дастарханын берекелі һәм мерекелі ету үшін уағыз айтылып, жамағаттың көкейде жүрген сұрақтарына жауап берілуде. Жалпы, қасиетті Рамазан айының алғашқы он күндігінде 46 мешітте өткен ауызашар рәсіміне 16500 жамағат қатысты. Қаржылай қолдау білдірген жандарға Алла Тағала разы болсын!

 ҚМДБ-ның Шымкент қаласы бойынша баспасөз қызметі